在香港買玩具俾謙謙，其實每次除了去玩具反斗城、一田或 Sogo 之外，可以選擇都唔多，所以有時我地都有去淘寶買玩具的習慣。之前同好多媽媽傾開，原來好多媽媽仲未知淘寶、和淘寶天貓（即 Tmall）的分別，謙謙爸爸好耐以前都曾經在淘寶開過店，對淘寶都幾有認識，這篇主要同大家整理國際品牌在淘寶店的地址，和淘寶天貓（即 Tmall）的分別。

當謙謙大約 7 至 9 個月大，BB 開始識得轉身、識得企起身，每次幫佢沖涼就係一種挑戰，我地屋企只有幾百呎、 沖涼盤都要買可摺合及打開的設計 ， 最後就選左 Stokke 沖涼盤 。 Stokke 沖涼盤其實好細，當 BB 識得企起，沖涼既時候佢一定郁來郁去，為左可以等謙謙專心沖涼，我地就在淘寶買了兩款沖涼玩具俾謙謙。