上一篇討論過關於 BB 6 個月加固，所以這篇就同大家分享 9 個月的情況。
謙謙加固已經差唔多有 2 個月時間後，學習吞糊狀食物都控制得幾好，可以開始進入咀嚼期了。學習吞同咬食物係對 BB 嘅語言發展好重要，學習過程可以令 BB 增加舌頭同嘴部肌肉嘅協調性，第日說話發音會更標準（各位父母都想盡快聽到 BB 講 媽咪、爸爸，係咪？！）。
你地睇下謙謙食菜食得個樣幾得戚就知佢好鐘意食！
咀嚼期和咬食期
咀嚼期又可以叫做咬食期，要 BB 學習用門牙或牙齦咬野食，我將蔬菜切成大約 3 – 4mm 大，好似下面張相咁，煮成可以用脷壓碎嘅程度，肉類完全絞碎，再加入 5 倍粥一齊食，但蔬菜要選擇一啲軟身的，例如南瓜，節瓜，冬瓜等。
謙謙最鍾意食南瓜三文魚粥，南瓜同樣切成大約 4mm 大，三文魚係超市買嘅挪威急凍三文魚，蒸熟後我會用手撕開去骨，無絞碎，其實呢隻魚基本上係無骨，都係為安全起見。
下午茶我就會俾謙謙食 finger food，可以加強佢嘅咀嚼能力，又有益。謙謙 9 月大已經有 4 隻牙仔，可以用門牙撕開啲菜嚟食，不過食嘅時候都要小心睇住。
你睇下佢食到古靈精怪……哈哈 ^^
今日「跟著謙謙去玩樂」網誌分享住咁多先，下次再同大家分享謙謙嘅日常生活同趣事。想睇更多「謙謙」的生活，不妨關注埋 Facebook page 同 謙謙 嘅 Instagram 啦。
Facebook page
https://www.facebook.com/Playwithhimcom
Instagram
https://www.instagram.com/terencechow2019/