謙謙大概 6 個半月大時開始可以自己坐維持十幾秒，可以控制到頸同頭部，呢個時候我就開始幫佢加固。BB 成個加固過程分為 3 個時期，「吞嚥期、咀嚼期，之後咬嚼期」，每個 BB 發展速度都唔同，唔可以話一定係五或者六個月就一定可以開始加固。
吞嚥期
我最初俾謙謙試 HiPP 喜寶米糊，因為可以用返佢飲開嘅奶沖，佢會無咁抗拒，初初由濕潤嘅糊仔開始俾謙謙練習吞嚥，米糊同奶嘅份量比例無 formula，同奶粉唔一樣，可以調校至自己覺得適合嘅”杰”身程度，今次太”杰”下次可以加返多啲奶，調校到 BB 食到為止，好簡單。我多數都會係 士多 Ztore 入貨，一開始一定要揀純米，之後先至揀其他口味。
HiPP 喜寶米糊購買網址，Ztore 售價 $58 蚊：
https://www.ztore.com/tc/product/organic-cereal-pap-baby-rice-1018342
BB 米糊
謙謙由第一日只係食到兩三啖米糊，練習幾日之後見佢吞得都幾好，無作嘔反應，就可以開始慢慢減少米糊嘅水份，但呢個時候都唔可以太”杰”，到差不多兩星期謙謙就可以食到大半碗杰杰地嘅糊仔喇。大約 3 個星期後，就開始用 Beaba BabyCook （食物處理器）將米煮成米糊，我由 7 倍粥開始做起，加各種蔬菜再打成泥，每三日試一款新蔬菜，謙謙第一款食嘅蔬菜係南瓜，因為南瓜好甜所以好鍾意食，你地睇下謙謙笑得幾開心。
Beaba BabyCook 食物處理器
Beaba BabyCook 食物處理器真係幾好用，好方便，但我建議買雙頭，可以粥同蔬菜同一時間蒸，慳好多時間。呢套我買既價錢係 $1,599 蚊 ，網上好多媽媽分享都係用呢套，有多個顏色選擇。（其他配件例如碗，羹，同埋整冰粒容器，我就在 Sogo 買既，不過冰粒我好少整，除非知道第二日唔得閒先至會整定。）
Beaba BabyCook 食物處理器購買網址：
Babycentral
https://babycentral.com.hk/baby-food
(首次購買 Signup Newsletter 可減 HK$100)
或 Yoho
https://www.yohohongkong.com/keyword/Beaba+Babycook
因為這個食物處理器本身已經超過一千蚊，所以在以上兩個網站買都包了運費，可以直接網購寄番屋企。
半粥半泥
初初將粥同蔬菜都一齊打成泥俾謙謙食，之後就慢慢只將蔬菜同一半粥打成泥，再加一半無打成泥嘅粥，好似下面張相咁，等謙謙慢慢適應，腸胃無唔舒服，適應了之後就可以試減少打泥嘅份量。
7 個半月大 – 開始可以食肉了
謙謙大約 7 個半月大就試食五倍粥，大約 8 個月開始嘗試食肉類，由豬肉開始，但肉類一定要全部打成泥直至一歲為止，呢個過程只可以循序漸進，唔急得，因為每個 BB 能力都不一樣。其實短短一個月加固過程都可以觀察到，謙謙由最初只會將我餵俾佢嘅食物直接吞落肚，之後慢慢會識得用脷壓爛啲食物，即係好快進入咀嚼期了。
轉食 BB 米之後，都有間中整牛油果香蕉米糊俾謙謙食，甜甜地，謙謙通常都可以食得晒一碗。
下一篇；
BB 9 個月加固 – 咀嚼期
今日「謙謙去玩樂」網誌就分享住咁多先，有興趣可以去 Jakewell 網站或分店睇下，下次再同大家分享謙謙嘅日常生活同趣事。想睇更多「謙謙」的生活，不妨關注埋 Facebook page 同 謙謙 嘅 Instagram 啦。
Facebook page
https://www.facebook.com/Playwithhimcom
Instagram
https://www.instagram.com/terencechow2019/